ავიაკომპანია Georgian Airways-ი თბილისსა და როსტოვს შორის პირდაპირ რეგულარული საჰაერო მიმოსვლის შესრულებას იწყებს.
სამოქალაქოპ ავიაციის სააგენტოს ინფორმაციით, 14 აგვისტოდან, ავიაკომპანია Georgian Airways-ი თბილისსა და როსტოვს შორის პირდაპირ რეგულარული საჰაერო მიმოსვლის შესრულებას იწყებს. ფრენები კვირაში 2 სიხშირით განხორციელდება. საქართველოს ეკონომიკისა და მდგრადი განვითარების სამინისტროს სსიპ სამოქალაქო ავიაციის სააგენტომ უკვე გასცა შესაბამისი ნებართვა.
Georgian Airways-თვის ეს იქნება მეოთხე ქალაქი რუსეთის ფედერაციაში - მოსკოვის, სანკტ-პეტერბურგისა და სამარის შემდეგ, რომლის მიმართულებითაც ავიაკომპანია რეგულარულ ფრენებს განახორციელებს.
