ხელისუფლების არასწორი ეკონომიკური პოლიტიკა დიდი სიღარიბისკენ მიაქანებს ქვეყანას, - ამის შესახებ ექსპერტი ეკონომიკის საკითხებში დემურ გიორხელიძე რუსთავი2-თან საუბარში აცხადებს. მისი ვარაუდით, ლარის კურსის ვარდნა არც სექტემბრიდან შეჩერდება.
ქართველი ექსპერტების აზრით, ლარის დევალვაცია მთავრობის არასწორი ეკონომიკური პოლიტიკის გარდა, ინვესტიციებისა და ექსპორტ-იმპორტის შემცირების შედეგიცაა. ისინი ბიუჯეტის არასწორად დაგეგმვაზეც საუბრობენ და აცხადებენ, რომ საჭიროა ინვესტიციების დროულად მოზიდვა.
„ჩვენ დღეს არ გვაქვს სიმშვიდის უფლება. გაცილებით ღრმა პრობლემებია და ეს აისახება ცუდად, არა მარტო ეკონომიკაზე, არამედ კიდევ უფრო დიდი სიღარიბისკენ მიაქანებს ქვეყანას,“ - განაცხადა დემურ გიორხელიძემ.