პრეზიდენტის მრჩეველი ეკონომიკურ საკითხებში გიორგი აბაშიშვილისთვის გაუგებარია, რატომ არ მოხდა ვეტოს დაძლევა დაუყოვნებლივ, თუკი ეს ლარის სტაბილურობაზე დადებითად იმოქმედებდა.
აბაშიშვილი საპარლამენტო უმრავლესობის წევრის ზურაბ ტყემალაძის განცხადებას გამოეხმაურა, რომლის თანახმადაც, ვეტოს დაძლევის შემდეგ ეროვნულ ვალუტასთან მიმართებაში "ყველაფერი უკეთესობისკენ წავა".
,,ყველა პროფესიონალი ეკონომისტისთვის ძალიან ნათელი, რომ ამ კანონის ამოქმედებას არანაირი კავშირი არ აქვს ლარის კურსის სტაბილურობასთან. თუმცა თუ მაინც ვინმეს ბუნებაში ჰგონია, რომ ამ კანონის ამოქმედებით ხელს შეუწყობს ლარის კურსის სტაბილურობას და ხელს შეუშლის დევალვაციას, მაშინ აბსოლუტურად გასაკვირია, რატომ არ მოხდა პრეზიდენტის ვეტოს დაძლევა დაუყოვნებლივ და რატომ გადაიტანეს ეს პროცესი სექტემბრისათვის, თან ეს იმ ფონზე რომ ვისმენდით განცხადებებს, რომ პრეზიდენტის ვეტოს უპრობლემოდ დაძლევდნენ”, - განაცხადა გიორგი აბაშიშვილმა.
აპარლამენტო უმრავლესობის წარმომადგენლის, ზურაბ ტყემალაძის აზრით, ბოლო დღეებში ლარის გაუფასურების მიზეზი "გარკვეულად შეიძლება" "ეროვნული ბანკის შესახებ" კანონზე პრეზიდენტის მიერ გამოყენებული ვეტო იყო.
