”საქპატენტმა” სამართალდარღვევის ფაქტი დააფიქსირდა. უფრო კონკრეტყლად კი უწყებამ გასართობი ცენტრი " Maxxiland"-ის მიერ, უეფა-ს ნებართვის გარეშე განხორციელებული ქმედება/რეკლამა გამოავლინა.
”სამართალდარღვევის ფაქტი დაფიქსირდა დღეს, 2015 წლის 5 აგვისტოს, გამოვლენილ იქნა უეფა-ს ნებართვის გარეშე, უეფა-ს რეპუტაციით სარგებლის მიღების მიზნით განხორციელებული ქმედება/რეკლამა გასართობი ცენტრი "Maxxiland"-ის მიერ. კომპანიის შეთავაზება განთავსებულ იქნა ფასდაკლებების საიტზე " swoop.ge". ქმედება აღიკვეთა თბილისის ზედამხედველობის სამსახურის მიერ, შედგა სათანადო აქტი რაც გადაეგზავნება სასამართლოს შემდგომი რეაგირებისთვის.
ზემოაღნიშნულთან დაკავშირებით საქპატენტთან არსებული საბჭო კიდევ ერთხელ, მოუწოდებს ყველა ფიზიკურ თუ იურიდიულ პირს, რომ დაიცვან კანონი და თავი შეიკავონ ნებისმიერი სახის რეკლამის ან სხვა ქმედებისგან, რომელიც ხორციელდება არაუფლებამოსილი პირების მიერ უეფას რეპუტაციით სარგებლის მიღების მიზნით.
ფაქტის დაფიქსირების შემთხვევაში, მოხდება კანონით გათვალისწინებული ღონისძიებების გატარება.
სსიპ საქართველოს ინტელექტუალური საკუთრების ეროვნულ ცენტრ საქპატენტთან არსებულ ინტელექტუალური საკუთრების უფლებების აღსრულების საბჭოს საქართველოს მთავრობის 2015 წლის 10 ივლისის N344 დადგენილებით დაევალა ევროპული ფეხბურთის ასოციაციების კავშირის 2015 წლის სუპერთასის და მასთან დაკავშირებული ღონისძიებების ჩასატარებლად საქართველოს მთავრობის მიერ ნაკისრი ვალდებულებების შესრულების კოორდინირება”,- აღნიშნულია უწყების მიერ გავრცელებულ ინფორმაციაში.
