"ენერგო პრო ჯორჯია" რუსეთს ჩაუვარდება ხელში. მომატებული ტარიფი არ აღმოჩნდა მათთვის საკმარისი, რომ წაგების გარეშე ემუშავათ და მისი ხელმძღვანელობის განცხადებით, აპირებენ საქართველოს დატოვებას, - აცხადებს ეროვნული ბანკის ყოფილი პრეზიდენტი რომან გოცირიძე.
გოცირიძე აღნიშნავს, რომ კომპანიის გაყიდვის შესახებ გავრცელებულ ინფორმაციას ამას წინ უძღოდა ამ კომპანიის 60 მილიონი ლარით დაჯარიმების მცდელობა საქართველის ბიუჯეტის საასრგებლოდ, რასაც მოჰყვა ჩეხეთის პარლამენტში ევროკაშირთან საქართველოს ასოცირების ხელშეკრულების რატიფიცირების გადადება.
"ენერგოპრო ჯორჯია" ჩეხური კოპანიის შვილობილი კომპანიაა. იგი საქართველოში ფლობს 15 ჰიდროელექტროსადგურს და გარდაბნის გაზის ელექტროსადგურს. გენერაციის გარდა ენერგო–პრო ჯორჯია არის ელექტროენერგიის დისტრიბუციის ყველაზე მსხვილი კერძო მფლობელი საქართველოში. მისი მომსახურების არეალი შეადგენს საქართველოს ტერიტორიის 70 პროცენტს და ემსახურება ერთ მილიონზე მეტ აბონენტს.
დიდი ალბათობით იგი საქრუსენერგოს ხელში აღმოჩნდება, რომელშიაც ქართველი მაღალჩინოსნების ინტერესებიც იქნება გათვალისწინებული”, - აცხადებს გოცირიძე.
მისივე თქმით, ეს იქნება კატასტროფის ტოლფასი.
„მოხდება რუსეთის მხრიდან საქართველოს თითქმის მთელი ენერგეტის გაკონტრილება.
მთავრობამ და პარლამენტმა დროზე უნდა მიიღონ ზომები, რომ არ გამეორდეს "ეი ეს თელასისა" და ფოთის ნავთობტერმინალის ისტორია.
გოცირიძე აფრთხილებს ხელისუფლებას, რომ მოვლენების ასეთი სცენარით განვითარების შემთხვევაში, ეს შეიძლება ხელისუფლებისთვის უმძიმესი შედეგით დამთავრდეს.
აღსანიშნავია, რომ “ენერგო პრო ჯორჯიას” ბედი ისევ გაურკვეველია. ამ დროისათვის ისევ უცნობია ჩეხური კომპანია შვილობილი კომპანის ნაწილობრივ ასხვისებს თუ 100 %-იან წილს ყიდის. კომპანიაში ადასტურებენ, რომ პოტენციულ ინვესტორებთან მოლაპარაკებები უკვე წარმოებს.
