ექსპერტის, ეკონომიკის საკითხებში ემზარ ჯგერენაიას შეფასებით, ლარი გამყარებას რამდენიმე დღეში დაიწყებს და კურსი დოლართან მიმართებაში 2.25 ლარამდე ჩამოვა.
მან ასევე ”ჯი-ეიჩ-ენთან” საუბრისას აღნიშნა, რომ თუკი ქვეყანაში თანხის შემოდინება არ მოხდება, ერთ თვეში ლარი ისევ გაუფასურდება.
”ჩვეული პროცესია დაწევა 2.2798 ლარამდე. რამდენიმე დღეში აუცილებლად გამყარდება, 2,25 ლარამდე ჩამოვა.
ზუსტად სექტემბერში როგორ იქნება ვერ გეტყვით. ვვარაუდობ, რომ სექტემბერში კიდევ დაეცემა, იმ შემთხვევაში, თუ რა თქმა უნდა, პრივატიზაციის თანხა არ შემოვა. თუკი ფინანსების შემოდინება იქნება, მაგალითად გაიყიდება გარდაბნის ელექტროსადგური, მაშინ შესაძლებელია კურსი გამყარდეს, უკეთესობისკენ იქნეს. ამაზე გავლენას ახდენს ისიც, რომ საბერძნეთიდან ფულის გამოგზავნის შეზღუდვის მოხსნა ჯერ არ მომხდარა.
მართალია ოლიმპიადა ჩატარდა და ტურისტული სეზონი აწეულია, პიკს აღწევს მაჩვენებელი ტურისტების, მაგრამ ამას გარდა ლარის გაუფასურებას იწვევს ის, რომ რამდენიმე ხანია რეექსპორტი ფაქტობრივად მცირდება და ჩვენ სავალუტო ნაკადები არ გვაქვს. ასევე მიზეზი არის ის, რომ მიმდინარე თვეში,გაუარესდა კომპანიებში ანგარიშთა ბალანსი ”, _ აცხადებს ემზარ ჯგერენაია.
