ზემო რაჭაში საფეხმავლო გამყოლთა საწყისი კურსი ჩატარდა. პროგრამის ფარგლებში გაიარეს და აღრიცხეს 9 საფეხმავლო ბილიკი. ტურიზმის ეროვნული ადმინისტრაციისა და მთის კურორტების განვითარების კომპანიის ერთობლივი პროექტი გერმანიის საერთაშორისო თანამშრომლობის საზოგადოების დაფინანსებით საქართველოს სამთო გამყოლთა ასოციაციამ ჩაატარა. კურსი ამბროლაურიდან , ონიდან, უწერიდან , გლოლადან და სევადან 11 მა მონაწილემ გაიარა. დასკვნითი ღონისძიება უწერაში გაიმართა. სერტიფიკატები მათ ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ გადასცა.
