გუდაურსა და ბაკურიანში ველოპარკი აგვისტოს ბოლოს გაიხსნება. როგორც სააგენტო ”ჯი-ეიჩ-ენს” ტურიზმის ეროვნულ ადმინისტრაციაში განუცხადეს, სამუშაოeბი გუდაურში უკვე დასრულებულია. ორივე ველო ბილიკის გაკეთებაში 80 000 ევრომდე ინვესტიციაა ჩადებული.
”ბაკურიანში სამუშაოებს მალე მოვრჩებით. ორივე ერთად 29-31 აგვისტოს გაიხსნება. გუდაურში სამთო ველო ბილიკისთვის 1000 მეტრიანი მონაკვეთი გამოიყო, საბოლოო სიგრძე 4790 მეტრი იქნება. ველოპარკის მშენებლობა გონდოლას ზედა სადგურიდან დაიწყო და ქვედა სადგურამდე გაგრძელდება. ორივე პროექტზე გადასახადების გარეშე, 80 000 ევრომდე დაიხარჯა”, _ განაცხადეს ტურიზმის ეროვნულ ადმინისტრაციაში.
