ბორჯომში რუსთაველის 145-ში PSP-ს ახალი აფთიაქი გაიხსნა. აფთიაქი მომხმარებელს მედიკამენტებთან ერთად ევროპული კოსმეტიკის ფართო არჩევანსაც სთავაზობს.
აფთიაქში ბავშვებისათვის სპეციალური კუთხეც გაკეთდა, სადაც პატარებისათვის საჭირო ყველა პროდუქტი ერთად არის განთავსებული.
„PSP მუდმივად ზრუნავს საკუთარ მომხმარებელზე და ახალი აფთიაქის დაგეგმარების დროს მაქსიმალურად შევეცადეთ ყველაფერი ერთ სივრცეში მოგვექცია. რეგიონული განვითარება PSP-ს ერთ-ერთი სტრატეგიაა და გვინდოდა ბორჯომისა და ამ ქალაქის სტუმრებისათვის მაქსიმალური კომფორტი შეგვექმნა. მოხარულები ვართ, რომ PSP-ს 4000 კაციან გუნდს კიდევ 10 ადგილობრივი ახალი თანამშრომელი შეემატა“, - აცხადებენ PSP-ში.
ახალი აფთიაქის გახსნასთან დაკავშირებით ყველა ვიზიტორს სპეციალური საჩუქრები გადაეცემათ.
PSP-ში ყოველ სამშაბათს, ოთხშაბათსა და პარასკევს ყველაზე დაბალი ფასების აქცია მოქმედებს და მომხმარებლებს საშუალება აქვთ სპეციალური ფასდაკლებით ისარგებლონ PSP-ს სრულ ასორტიმენტზე. გარდა ამისა, 3 აგვისტომდე და შემდეგ კი ყოველ შაბათ-კვირას მომხმარებელს საბავშვო პროდუქტებზე სპეციალური ფასები ელოდება.
