შემოსავლების სამსახურის საბაჟო დეპარტამენტის ფოთის გაფორმების ეკონომიკურ ზონას ფინანსთა მინისტრი და ევროკავშირის ელჩი ეწვივნენ. ნოდარ ხადურმა იანუშ ჰერმანს კონტეინერების კონტროლის დანაყოფის მუშაობის სპეციფიკა და საქმიანობა გააცნო. კონტეინერების კონტროლის დანაყოფი ფოთის გაფორმების ეკონომიკურ ზონაში 2012 წლიდან ფუნქციონირებს და ევროკავშირი კონტეინერების კონტროლის პროგრამის ერთ-ერთი დონორია. პროგრამის ფარგლებში შექმნილი ანალოგიური დანაყოფი თბილისის გაფორმების ეკონომიკურ ზონაშიც ფუნქციონირებს.
