კომისიამ დღეს სამართლიანი ტარიფი დაადგინა, რომელიც მოსახლეობის უწყვეტ ენერგომომარაგებას უზრუნველყოფს, - ამის შესახებ ენერგეტიკისა და წყალმომარაგების მარეგულირებელი ეროვნული კომისიის თავმჯდომარემ დღევანდელი სხდომის დასრულების შემდეგ განაცხადა.
ირინა მილორავას განმარტებით, კომისიამ ტარიფის კორექტირებისას რამდენიმე ფაქტორი გაითვალისწინა. კერძოდ კი ვალიუტის კურსის ცვლილება, რამაც ძირითადად განაპირობა ტარიფის კორექტირება
„ეს იყო ძირითადად, თბოელექტროსადგურები და იმპორტირებული ელექტროენერგია. ეს არის სამართლიანი ტარიფი, რომელიც მოსახლეობის უწყვეტ და საიმედო ენერგომომარაგებას უზრუნველყოფს“, - განაცხადა მილორავამ და დასძინა, რომ „თელასისგან“, ან რომელიმე სხვა გამანაწილებელი კომპანიისგან სატარიფო განაცხადი სემეკს ჯერჯერობით არ მიუღია.
სემეკ-ის გადაწყვეტილებით, კომპანია „ენერგო-პრო ჯორჯიას“ მომხმარებლებისთვის, ელექტროენერგიის სამომხმარებლო ტარიფი დამატებითი ღირებულების გარეშე, 3.348 თეთრით იზრდება.
