აჭარის ფინანსთა და ეკონომიკის მინისტრმა გოდერძი რიზორტზე დასკვნითი ეტაპის სამუშაოები დაათვალიერა. დავით ბალაძემ სამუშაოთა მწარმოებელ კომპანიას შესრულებული სამუშაოების ეტაპთან დაკავშირებით შენიშვნები მისცა. მინისტრი 10 დღეში გოდერძი რიზორტზე ვიზიტს ისევ გეგმავს. სწორედ ამ დროში კომპანიამ სამუშაოების გარკვეული ნაწილის დასრულება უნდა შეძლოს.
„მშენებლობის პროცესი ამ დროისთვის აქტიურია,თუმცა გარკვეულ ხარვეზს ვხედავ სამუშაოების დაწყებისა და ასევე აქამდე არსებულ ტემპებთან დაკავშირებით. 10 დღეში ისევ ვეწვევი გოდერძი რიზორტს და თუ შედეგი არ იქნება შესაბამისი, მკაცრ გადაწყვეტილებას მივიღებთ“ - განაცხადა დავით ბალაძემ.
“გოდერძი რიზორტზე“ ამ დროისთვის შემდეგი სამუშაოები მიმდინარეობს:
• 6 კოტეჯის სამშენებლო სამუშაოები (შიდა და გარე ფასადის მოწყობა)
• საკანალიზაციო სისტემის მოწყობა მთელ ტერიტორიაზე
• მალე გამოცხადდება ტენდერი ტერიტირიის კეთილმოწყობაზე
უკვე აშენებულია:
• 380 კვ.მ. ფართობის სასტუმროს ტიპის ხის კოტეჯი
• სათხილამური ტრასები
• საბაგირო გზები
საბაგირო გზის ყველაზე მაღალი სადგური 2350 მეტრზე მდებარეობს. კურორტ „გოდერძს“ რეგიონში ყველაზე გრძელი 4 კილომეტრიანი სათხილამურო ტრასა აქვს.
