უკრაინელები აჭარაში ველოტურიზმის განვითარებით დაინტერესდნენ. ველომანი მიხაილ დიუბა ამბობს, რომ აჭარაში პირველად 2013 წელს მოხვდა და აღმოაჩინა, რომ რეგიონს ველოტურიზმის განვითარების დიდი პერსპექტივა აქვს. დიუბამ მიზნის განხორციელებაც დაიწყო და ბათუმში ველომაღაზიაც გახსნა.
”ჩვენ უკრაინიდან საქართველოში და უშუალოდ აჭარაში პირველად 2013 წელს მოვხვდით. ეს მხარე მაშინვე შეგვიყვარდა, რადგანაც აქ ერთობ უნიკალური ბუნება, სტუმართმოყვარე ხალხი და საუკეთესო სამზარეულოა. ჩვენ პირველად საქართველოში როგორც ტურისტები ისე ჩამოვედით, ვიმოგზაურეთ მთებში და ჯერ კიდევ მაშინ დაგვებადა იდეა, რომ აქ ველოსიპედებით დავბრუნებულიყავით.
წელს შევიმუშავეთ მარშრუტი ბაკურიანიდან ბათუმის მიმართულებით. თუმცა როგორც კი ბათუმში შემოვედით მივხვდით, რომ აჭარაში საკმაოდ კარგი პირობებია ველოტურიზმის განვითარებისათვის.
ამის შემდეგ გადავწყვიტეთ, რომ ბათუმში ველო მაღაზია გავეხსნა და ამ მაღაზიის ბაზაზე ვეცდებით რეგიონში ველოტურიზმი და ველო ექსკურსიები განვავითაროთ. ჩვენი უკრაინელი მეგობრები გვეკითხებიან რატომ აჭარა და არა მაგალითად სვანეთი ან თბილისი. ამასაც ავხსნი: ადამიანებს ძირითადად საზღვაო დასვენება იზიდავთ და აქ კი ერთდროულად შესაძლებელია მთებში დასვენება, ხოლო საღამოს ზღვაში ბანაობა. სვანეთში კი მხოლოდ მთებში დასვენებაა შესაძლებელი. თბილისის კი დიდ მეგაპოლისია”- აღნიშნა მიხაილ დიუბამ.
როგორც ველომანი და ამავდე დროს უკვე ბიზნესმენი მიხაელ დიუბა აცხადებს ის აჭარის ტურიზმის დეპარტამენტთან ერთად მუშაობს და სწავლოს მაჭახელას ხეობისა და ზოგადად აჭარის მაღალმთიანეთის ველოტურიზმის პოტენციალს.
”ჩვენ ვსწავლობთ ადგილობრივ გარემოსა და პირობებს, აქ მართლაც საუკეთესო პირობებია, ჩანჩრები, მდინარეები, უნიკალური ხიდები. სამომავლოდ ვგეგმავთ, რომ აღნიშნულის შესახებ უკვე ინფორმაცია სოციალური სქელების საშუალ;ებით გავავრცელოთ. მეგობრები გვყავს გერმანიაში, პოლონეთში, სკანდივიის ქვეყნებში და მათ აჭარა ძალიან აინტერესებთ, რადგანაც რაც არის აჭარაში ის არ არის ევროპაში. საუბარი მაქვს იმ სტუმართ-მასმინძლობაზე, ქართულ სამზარეულოზე რაც საქართველოსთვისაა დამახასიათებელი. აქ ჩვენ ასევე გვიზიდავს ველური ბუნება”- განაცხადა ველომანმა.
მიხაილ დიუბას თქმით, მაღაზია 1 თვის უკან გაიხსნა და ამ დროისათვის მხოლოდ 5 ველოსიპედი გაიყიდა.
”ბევრი არაა, მაგრამ ნელ-ნელა ჩვენს მაღაზიას გაიცნობენ. ახალ სერვისებს დავამატებთ. ჩვენ ახლა შევდივართ ამ ბაზარზე. თუმცა ჩვენმა ბიზნესმა გაამართლა თუ არა ეს დაახლოებით 1 წელიწადში შეგვიძლია ვთქვათ”,- განმარტავს მიხაილ დიუბა.
