დღეს, აჭარის ა.რ მთავრობის თავმჯდომარე არჩილ ხაბაძე, აჭარის ა.რ ფინანსთა და ეკონომიკის მინისტრ დავით ბალაძესთან ერთად მაჭახელაში სასტუმროს გახსნის.
20 ნომრიან სასტუმროში 2 ლუქს ნომერი, რესტორანი, საბილიარდე და 60 ადამიანზე გათვლილი საკონფერენციო დარბაზია განთავსებული. სასტუმრო-სარესტორნო კომპლექსში 20-25 ადამიანია დასაქმებული. შენობის გვერდით 4 სასტუმროს ტიპის კოტეჯი მდებარეობს, რომელიც ადგილობრივ და უცხოელ ტურისტებს მოემსახურება.
აღნიშნული ობიექტით 1 მილიონი ლარის ინვესტიცია განხორციელდა.
