საფინანსო-საბიუჯეტო კომიტეტის თავმჯდომარე თამაზ მეჭიაური ეროვნული ბანკის პრეზიდენტს გიორგი ქადაგიძეს ცელქ ბავშვს ადარებს და აცხადებს, რომ ზედამხედველობის სებ-იდან გამოყოფით, მას ხელიდან ასანთს ართმევენ.
,,თივის ზვინზე მჯდომ ეროვნული ბანკის პრეზიდენტს, რომელიც ცელქი ბავშვივით ზის და უჭერია ხელში ასანთი, ამ კანონით, უბრალოდ, ვართმევთ იმ ასანთს. იმდენად, რამდენადაც, იქიდან მისი ჩამოსვლა პატივცემულმა ჩვენმა, თქვენ მიერ მრავალჯერ გალანძღულმა ბატონმა ივანიშვილმა, თავის დროზე არ გააკეთა. ესაა და მეტი არაფერი” - განაცხადა პარლამენტის დღევანდელ სხდომაზე ,,ეროვნული ბანკის შესახებ” კანონში ცვლილებების განხილვისას თამაზ მეჭიაურმა.
