საქართველოს პრემიერ-მინისტრმა ირაკლი ღარიბაშვილმა ხობში, პლასტმასის და ბეტონის ფილების საწარმო გახსნა.
პროექტი "აწარმოე საქართველოს" ფარგლებში განხორციელდა და მისი მშენებლობა 2 მილიონი ლარი დაჯდა.
მშენებლობის ეტაპზე დასაქმებული იყო 50 ადგილობრივი მცხოვრები. საწარმოს ექსპლუატაციაში შესვლის შემდეგ მუდმივად დასაქმებულთა რაოდენობა 30 იქნება.
ქარხანაში იწარმოება პლასტმასის ყუთი, წებო-ცემენტი, სამშენებლო ბლოკი, ბეტონის დეკორატიული ფილა, ბეტონის დეკორატიული ღარები, ბლოკი და ბორდიურები. შპს "ფიგარო" უახლოეს მომავალში კიდევ რამდენიმე საწარმოს გახსნას გეგმავს.
