მთავრობამ სტიქიის შედეგების სალიკვიდაციო ღონისძიებების განხორციელებლად 15,4 მლნ ლარი გამოყო. როგორც მთავრობის №1381  განკარგულებაშია აღნიშნული, 2014-2015 წლებში სხვადასხვა სტიქიური მოვლენების შედეგების სალიკვიდაციო ღონისძიებების განხორციელების მიზნით, საქართველოს ფინანსთა სამინისტრომ, „საქართველოს 2015 წლის სახელმწიფო ბიუჯეტის შესახებ“ საქართველოს კანონით გათვალისწინებულ საქართველოს რეგიონებში განსახორციელებელი პროექტების ფონდიდან, ადგილობრივ თვითმმართველ ერთეულებს გამოუყოს 15 400 000 ლარი. აღნიშნული თანხა გადანაწილდება შემდეგნაირად: ლანჩხუთის მუნიციპალიტეტი – 2,6 მლნ ლარი; მესტიის მუნიციპალიტეტი – 1 მლნ 570 ათასი ლარი; ქალაქ ოზურგეთის მუნიციპალიტეტი – 1,5 მლნ ლარი; ოზურგეთის მუნიციპალიტეტი – 1 მლნ 450 ათასი ლარი; სამტრედიის მუნიციპალიტეტი – 1,4 მლნ ლარი; ჩხოროწყუს მუნიციპალიტეტი – 950 ათასი ლარი; ხობის მუნიციპალიტეტი – 900 ათასი ლარი; ხონის მუნიციპალიტეტი – 600 ათასი ლარი; ცაგერის მუნიციპალიტეტი – 550 ათასი ლარი; მარტვილის მუნიციპალიტეტი – 500 ათასი ლარი; წალენჯიხის მუნიციპალიტეტი – 500 ათასი ლარი; ბორჯომის მუნიციპალიტეტ– 500 ათასი ლარი; ლენტეხის მუნიციპალიტეტი – 480 ათასი ლარი; ვანის მუნიციპალიტეტი – 450 ათასი ლარი; ჩოხატაურის მუნიციპალიტეტი – 450 ათასი ლარი; დუშეთის მუნიციპალიტეტი – 400 ათასი ლარი; საჩხერის მუნიციპალიტეტი – 300 ათასი ლარი; თეთრიწყაროს მუნიციპალიტეტი – 200 ათასი ლარი; სენაკის მუნიციპალიტეტი – 100 ათასი ლარი.

როგორც განკარგულებაშია აღნიშნული, სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების მიზნით, ადგილობრივ თვითმმართველ ერთეულებს მიეცეთ უფლება, სტიქიის შედეგების სალიკვიდაციო ღონისძიებები განახორციელონ გამარტივებული ელექტრონული ტენდერის საშუალებით.