აჭარის მთავრობა თანახმაა კომპანია ”ისპანთან” დადებულ ხელშეკრულებას გადახედოს და ინვესტორს გადამამუშავებელი საწარმოს მშენებლობისა და მისი ექსპლუატაციაში შეყვანის თარიღი გადაუვადოს. შესაბამისი გადაწყვეტილება რეგიონის მთავრობამ უკვე მიღო. ინვესტორის თხოვნითვე, მთავრობამგადაწვეტილება მიიღო და ”ისპანი” შეუსრულებელი ვალდებულებებისათვის დაკისრებული ჯარიმისგან გაანთავისუფლა.
2012 წელს კომპანია ”ისპანმა პირდაპირი მიყიდვის ფორმით, ქობულეთში, თავისუფლების ქ #90-ში და სოფელ ხუცუბანში მდებარე 759083 კვმ სასოფლო-სამეურნეო დანიშნულების მიწის ნაკვეთი და 8590,71 კვმ შენობა-ნაგებობა და მასზე დამაგრებული 136770 კვმ არასასოფლო-სამეურნეო დანიშნულების მიწის ნაკვეთი 90 ათას ლარად შეიძინა. სახელშეკრულებო პირობების მიხედვით ინვესტორმა აიღო ვალდებულება, რომ ხელშეკრულების გაფორმებიდან 12 თვის ვადაში მთლიანი ტერიტორიის შემოღობვას დაასრულებდა, ტერიტორიის ნაწილზე არხებს აღადგენდა, შიდა საპლანტაციო გზების რემონტის განახორციელებდა და ასევე სათბურების სარემონტო და აღდგენით სამუშაოებს ჩაატარებდა, რაც კომპანიამ დათქმულ ვადაში განახორციელა.
ასევე ხელშეკრულების გაფორმებიდან 18 თვეში განახორციელა თევზის მეურნეობის და მეცხოველეობის ფერმის არანაკლებ 30 სულ საქონელზე მოწყობა. ასევე 6 ჰა-ზე გააშენა ბოსტნეულის, ფიზალისა და ერთწლიანი კულტურები. 2014 წლის 25 დეკემბრამდე კომპანიამ განახორციელა სხვადასხვა მრავალწლიანი კულტურების არანაკლებ 69 ჰა-ზე გაშენება.
ხელშეკრულების მიხედვით, კომპანია ვალდებული იყო 2015 წლის 11 ივნისის მდგომარეობით, გადამამუშავებელი საწარმოს მშენებლობა (ხილის დახარისხებისა და გადამამუშავებელი საწარმოს მშენებლობა, მოაწყოს სამაცივრე დანადგარები, ახალი ტექნოლოგიით ხილისა და სუბტროპიკული ხურმის საშრობი საამქროს მშენებლობა) დაეწყო და ასევე განეხორციელებინა 913 000 ლარის ინვესტიცია.
თუმცა კომპანიამ საანგარიშო პერიოდისთვის მხოლოდ ინვესტიციის ნაწილის განხორციელება მოასწრო, თუმც საწარმოს მშენებლობის დაწყება ვერ მოახერხა, რასაც კომპანიაში რეგიონში შექმნილ რთულ ეკონომიკურ ფონს უკავშირებენ, რადგანაც ინვესტორმა ფინანსური რესურსების მოზიდვა დროულად ვერ მოახერხა. ინვესტორმა აღებული ვალდებულების მიხედვით, საწარმოს მშენებლობისათვის 300 ათასი ლარის ინვესტიცია უნდა განახორციელოს.