ბათუმის საქალაქო სასამართლოს გადაწყვეტილებით, ბათუმში, ზღვის სანაპირსოთან ახლოს მდებარე რესტორანი "პიერ ბათუმი" 400 ლაით დაჯარიმდა.
როგორც გაზეთი ”ბათუმელები” იუწყება, სასამართლო პროცესზე შემოსავლების სამსახურის თანამშრომელმა მიიტანა დისკი, რომელზეც ჩაწერილი იყო ვიდეო, როგორ ვაჭრობენ რესტორანში მომხმარებლები უცხოური ვალუტით.
გამოცემა წერს, რომ საქართველოს კანონმდებლობით უცხოური ვალუტით ვაჭრობა კაფეებში, ბარებსა და რესტორნებში აკრძალულია. შემოსავლების სამსახურის ინფორმაციით, საკონტროლო შესყიდვის დროს უწყებამ გამოავლინა, რომ ასევე "პიერ ბათუმში" არ გამოიყენეს საკასო აპარატი.
