აჭარის სოფლის მეურნეობის მინისტრი ზაურ ფუტკარაძე ფერმერებისათვის თაფლის საწური ციბრუტის გაცემის პროცესს დაესწრო. ციბრუტი ფერმერებს და აგრომეწარმეებს აჭარის სოფლის მეურნეობის სამინისტროს მეცხოველეობის დარგის განვითარების ხელშეწყობის პროგრამის ფარგლებში, თანადაფინანსების პრინციპით გადაეცათ. თითოეულის საცალო ღირებულება 595.9 ლარია, თანხის 70% სახელმწიფო ფარავს. თანაგადახდის პრინციპით კი ფერმერი მხოლოდ 178.8 ლარს გადაიხდის. ქვეპროგრამის ფარგლებში რეგიონის ფერმერებზე და აგრომეწარმეებზე მიწოდებული იქნა 100 ერთეული თანამედროვე ტიპის თაფლის საწური აპარატი. აღნიშნული პროგრამა ითვალისწინებს თაფლის საწური აპარატებით რეგიონის ხუთივე მუნიციპალიტეტისა და ქ. ბათუმის შემოერთებულ ტერიტორიებზე მცხოვრებ მეფუტკრე ფერმერებზე განაწილებას.
,,ქვეპროგრამის მიზანია მეფუტკრე ფერმერებსა და აგრომეწარმეებს მიეწოდოს უჟანგავი ფოლადისაგან დამზადებული თანამედროვე ტექნოლოგიებით, აღჭურვილი თაფლის საწური–ციბრუტები, ყოველივე ეს კი ხელს შეუწყობს რეგიონში თაფლის წარმოების მაჩვენებლის ზრდას და გააუმჯობესებს მეფუტკრეობის დარგით დაინტერესებულ ფერმერთა ფინანსურ შემოსავლებს’’ -განაცხადა მინისტრმა.
