საპარლამენტო ფრაქცია „თავისუფალი დემოკრატების“ თავმჯდომარემ ირაკლი ჩიქოვანმა ეკონომიკის რეალური პრობლემა დაასახელა. როგორც დეპუტატმა „არჩევანის“ ეთერში განაცხადა, ბიზნესმენები „გადაწყვეტილების მიმღებს სანთლით ეძებს და ვერ პოულობს“.
„ახლანდელ ხელისუფლებას ბიზნეს ტერორი არ აქვს, მაგრამ აბსოლუტურად ყველა ბიზნესმენს ჰკითხეთ: მთავარი პრობლემა, დღეს რაც არის ქვეყანაში, მდგომარეობს იმაში, რომ ბიზნესმენები გადაწყვეტილების მიმღებს ვერ პოულობენ. სანთლით ეძებს ხალხი გადაწყვეტილების მიმღებს და ვერ პოულობს. კი ვიცით, რომ ეს გადაწყვეტილების მიმღები სოლოლაკის გორაზეა, მაგრამ ყველა ვერ მიდის იქ და ვერ წყვიტავს ამ თემას. ეს არის რეალური პრობლემა ჩვენი ეკონომიკის, რომელიც არ ჰქმნის სამუშაო ადგილებს არა მხოლოდ ემიგრანტებისათვის, არამედ აქ მყოფი ქართველებისათვის“, – განაცხადა ირაკლი ჩიქოვანმა.
