ეროვნული ბანკის ყოფილი პრეზიდენტის რომან გოცირიძის პროგნოზით, საბერძნეთიდან ფულადი გზავნილების შემცირება ლარის კურსზე გავლენას ვერ მოახდენს. ამის შესახებ მან „არჩევანის“ ეთერში განაცხადა.
“საბერძნეთი არის მეორე დონორი (რუსეთის მერე) ფულადი გადმორიცხვების თვალსაზრისით. წელიწადში დაახლოებით შემოდიოდა 200 მილიონი დოლარი. საბერძნეთში კრიზისი დიდი ხანია დაწყებულია და ეს კრიზისი გადმორიცხვებსაც დაეტყო. დაახლოებით 7–8 თვეა იგი კლებულობს სადღაც 18% ფარგლებში. ამ ტემპით თუ განვითარდებოდა მოვლენები, ჩვენ მივიღებდით 40 მლნ. დოლარით ნაკლებს: არა 200 მილიონს, არამედ 160 მილიონამდე. ეს დიდ გავლენას ლარის სტაბილურობაზე ვერ მოახდენს, ვინაიდან შესაძლებელია ამ რაოდენობის თანხების ჩანაცვლება“, – განაცხადა რომან გოცირიძემ.
