ფინანსთა მინისტრის ნოდარ ხადურის თქმით, მოქმედმა ხელისუფლებამ გადადგა ნაბიჯები, რომ ბიუჯეტის დეფიციტი ჩაჯდეს მთლიანი შიდა პროდიქტის 3%-ში. როგორც მინისტრმა „2030“-ის ეთერში განცხადა, ეს აპრობირებული პარამეტრი გათვალისწინებულია ევროკავშირის ქვეყნებისათვის.
„მნიშვნელოვანი მაკროეკონომიკური ფაქტორი, რომელიც ზემოქმედებს ძალიან ბევრ სხვა პარამეტრზე, არის ბიუჯეტის დეფიციტი. ჩვენ რომ არ გაგვეხორციელებინა არანაირი ღონისძიებები, ბიუჯეტის დეფიციტი დაახლოებით 3,5% იქნებოდა. მაგრამ ჩვენ გადავდგით ნაბიჯები იქიტკენ, რომ ბიუჯეტის დეფიციტი ჩაჯდეს ორგანული კანონით გათვალისწინებულ პარამეტრში - მთლიანი შიდა პროდუქტის 3%. ეს პარამეტრი არის აპრობირებული, მათ შორის მაასტრიქტის ხელშეკრულებით გათვალისწინებული პარამეტრია ევროკავშირის ქვეყნებისათვის“, - განაცხადა ნოდარ ხადურმა.
