მთავრობაში ლარის კურსის გამყაებას პროგნოზირებენ. ფინანსთა მინისტრმა ნოდარ ხადურმა ჟურნალისტების კითხვაზე, ლარის დასტაბილურების შესახებ პროგნოზირების დროს მთავრობის ეკონომიკური გუნდი გულისხმობდა თუ არა ღევანდელ მდგომარეობას, მინისტრმა განაცხდა, რომ "ექსპორტის და ტურიზმის ზრდის კვალობაზე მოხდება კურსის გამყარება".
რაც შეეხება ეკონომიკისა და მდგრადი განვითარების მინისტრს, მისი თქმით, საქართველოს ეროვნული ვალუტა ამ ეტაპზე დასტაბილურებულია.
"ბუნებრივია დასტაბილურებულია, როდესაც ერთი აშშ დოლარი 2.38-მდე იყო ასული და დღეს დოლარი არის 2.24-225. ეს არის ის დონე რითიც ჩვენს ძირითად სავაჭრო პარტნიორ ქვეყნებში დღეს არის გაუფასურებული ვალუტები დოლართან მიმართებით. ამიტომ ჩვენ ხელოვნურად უფრო მყარ ვალუტას ვერ შევქმნით გამომდინარე იქიდან, რომ ჩვენი სავაჭრო ბალანსი არის ასახული იმ კურსში, რომელიც ჩვენ გაგვაჩნია."- განაცხადა გიორგი კვირიკაშვილმა.
მთავრობა, ზაფხულში დოლართან მიმართებაში ლარის კურსის დასტაბილურებას რამდენიმე თვის წინ პროგნოზირებდა.
