თბილისში, დავით აღმაშენებლის გამზირის №60-ში არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობების მფლობელი კომპანია ”აღმა” ხდება. მთავრობამ სახელმწიფო ქონების ეროვნულ სააგენტოსა და შპს „აღმას“ შორის გასაფორმებელი ნასყიდობის ხელშეკრულების პროექტი უკვე მოიწონა, რომლის მიხედვითაც ”აღმას” ქონება პირდაპირი მიყიდვის ფორმით, 4 მლნ დოლარად გადაეცემა.
საპრივატიზებო პირობების მიხედვით, ინვესტორი ვალდებულია აღნიშნულ ობიექტში მინიმუმ მაღალი ხარისხის „STR chain“ მასშტაბის კატეგორიის მქონე, არანაკლებ 200 ოთახიანი, 5 ვარსკვლავიანი სასტუმრო და სამორინე განათავსოს.
ინვესტორი ვაკლდებულია ასევე, რომ ასევე ააშენოს „ Grade-A“ კატეგორიის არანაკლებ 10 000 კვ.მ სამშენებლო ფართის მქონე საოფისე ნაგებობა და მთლიანი პროექტის განხორციელებისათვის მინიმუმ 57 მლნ 760 ათასი დოლარის ინვესტიცია განახორციელოს.
