საპარლამენტო უმცირესობის წევრის მიხეილ მაჭავარიანის განცხადებით, ხელისუფლების წარმომადგენლებს სიტყვა - სეკვესტრი არ მოსწონთ, მაგრამ ექვსი თვის თავზე ბიუჯეტის კორექტირება ხდება.
„ყველა პარამეტრებით, შიდა პროდუქტთან დაკავშირებით, ვალის მიმართება უარესდება. რაც მთავარია, ამ ბიუჯეტით მოქალაქეების გაღატაკება ხდება. ეს ბიუჯეტი პასუხია იმ უუნარობაზე, რომელსაც უნიათო მთავრობა წარმოადგენს. ბიუჯეტი ექვსი თვის წინ დაამტკიცეს, რომელზეც ვეუბნებოდით, რომ არასწორად დაგეგმილი იყო“, - დასძინა მაჭავარიანმა.
საპარლამენტო უმცირესობის დღევანდელ სხდომაზე 2015 წლის ბიუჯეტის კორექტირებულ ვერსიაზე იმსჯელებენ, რომლითაც ბიუჯეტი 140 მილიონი ლარით მცირდება.
