მსოფლიო ბანკის აღმასრულებელ დირექტორთა საბჭომ საქართველოს მესამე რეგიონული პროექტისთვის რეკონსტრუქციის და განვითარების საერთაშორისო ბანკის (IBRD) 60 მლნ. აშშ დოლარის ოდენობის სესხი დაამტკიცა.

პროექტის მიზანია ინფრასტრუქტურული სერვისების და ინსტიტუციური შესაძლებლობების განვითარება სამცხე-ჯავახეთის და მცხეთა–მთიანეთის ადგილობრივ ეკონომიკაში ტურიზმის წვლილის ზრდის მხარდასაჭერად.

პროექტი ორი კომპონენტისგან შედგება:ურბანული დასახლებების აღდგენა და ტურისტული მარშრუტების შემუშავება, საზოგადოებრივი და ტურისტული ინფრასტრუქტურის უზრუნველყოფა კერძო ინვესტიციების მოსაზიდად; დაინსტიტუციური განვითარება.

„პროექტის მთავარი ბენეფიციარები არიან მცხეთა-მთიანეთისდა სამცხე-ჯავახეთის რეგიონების მაცხოვრებლები და ტურისტები, რომლებსაც ექნებათ წვდომა გაუმჯობესებულ საზოგადოებრივ ინფრასტრუქტურაზე კულტურული მემკვიდრეობის ადგილებსა და ქალაქებში. პროექტის მიზანია კერძო ინვესტიციების მოზიდვა, სახელმწიფოსა და კერძო სექტორის პარტნიორობის ხელშეწყობა, ადგილობრივი ბიზნეს-საქმიანობის გამოცოცხლება და რეგიონული ტურისტული მარშრუტების განვითარება. აღნიშნული ღონისძიებების წყალობით რეგიონის მოსახლეობის ცხოვრების დონე ამაღლდება,“- აღნიშნასამხრეთ კავკასიაში მსოფლიო ბანკის რეგიონულმა დირექტორმა, ჰენრი კერალიმ.

მცხეთა-მთიანეთისდა სამცხე-ჯავახეთის რეგიონებში შესაძლებელიიქნება უკეთესი ინფრასტრუქტურითსარგებლობა, კერძო სექტორის ინვესტიციები გაიზრდება. ასევე, მოიმატებს მცირე და მიკროსაწარმოების რაოდენობა განახლებულ ძეგლებთან და ქალაქებში. სახელმწიფო სარგებელს ნახავს ტურისტების ხარჯვის და კმაყოფილების ზრდით, სამუშაო ადგილების შექმნით, შერჩეული ორგანიზაციების ინსტიტუციური შესაძლებლობებისდახვეწით,აქტივების მართვისდა ტექნიკური მომსახურების გაუმჯობესებული შესაძლებლობით.

მსოფლიო ბანკის წარმომადგენლობამ საქართველოში ფართომასშტაბიანი კონსულტაციები აწარმოა, რომლებმაც ხელი შეუწყო რეგიონის საჭიროებების წარმოჩენას, ორივე რეგიონისთვის ტურიზმის განვითარების და მარკეტინგის სტრატეგიის შემუშავებას და პროექტის სათანადოდმომზადებას.

ტურისტული მარშრუტი განისაზღვრა ყველა დაინტერესებული მხარის მონაწილეობით. თითოეულ რეგიონს შეუძლია მაღალი ხარისხის ტურისტული პოტენციალის პროდუქტების მრავალფეროვნებისშეთავაზება კულტურული მემკვიდრეობის, ეკოსისტემების, ბუნების, ზამთრის კურორტების და საზაფხულო სამთო-სათავგადასავლო ღონისძიებების შენარჩუნებითდა განვითარებით. ორივე რეგიონის ტურისტული პოტენციალის ათვისება ხელს შეუწყობს დასაქმების შესაძლებლობების ზრდას. განსაკუთრებით,მცირე სასტუმროებსა და მცირე და საშუალო საწარმოებში.

„პროექტის მიზანია ადგილობრივი ეკონომიკის განვითარების ხელშეწყობა ამ ორ რეგიონში ტურიზმის განვითარების მიმართ ერთიანი მიდგომით, ინფრასტრუქტურაზე ფოკუსირებით, ურბანული განახლებით, კულტურული მემკვიდრეობის აღდგენით, უნარ-ჩვევების გამომუშავებით და კერძო სექტორის ინვესტიციებისთვის გარემოს მიმზიდველობის ამაღლებით. ზოგადად, პროექტი ხელს შეუწყობს ამ ორი რეგიონის უკეთეს ინტეგრაციას საქართველოს და რეგიონული ტურიზმის ფართო კონტექსტში,“განაცხადა სამხრეთ კავკასიაში მდგრადი განვითარების პროგრამების ხელმძღვანელმა აჰმედ ეივეიდამ.

აღნიშნული ორი რეგიონი უკეთესად იქნება ინტეგრირებული ტურისტულ მარშრუტებში ქვეყნის მასშტაბით. ბოლომდე იქნება გამოყენებული ტურიზმისდა სასტუმროების ინდუსტრიის ჯერჯერობით აუთვისებელი, მაგრამ მეტად მნიშვნელოვანი პოტენციალი. რეგიონები გამოცოცხლდება და შეუერთდება დანარჩენ საქართველოს ტურიზმისა და ეკონომიკის განვითარების ერთიან საქმეში.

საწარმოო საქმიანობის წახალისებაზე აქცენტირებით, დამატებითი ინფრასტრუქტურული და საბაზისო სერვისების გაწევის პარალელურად, დაგეგმილ პროექტს შეუძლია შემოსავლის მომტანი შესაძლებლობების შეთავაზება ამ რეგიონებისთვის.

რეგიონული განვითარებისმესამე პროექტი გააგრძელებს საქართველოს ტურიზმის ეროვნული ადმინისტრაციის, საქართველოს კულტურული მემკვიდრეობის დაცვის ეროვნული სააგენტოს, სახელმწიფო მუზეუმის, პროექტის განმახორციელებელი ორგანიზაციის– საქართველოს მუნიციპალური განვითარების ფონდის და სხვა ადგილობრივი თუ რეგიონული ორგანიზაციების ინსტიტუციური შესაძლებლობების განვითარებას.

ეს მსოფლიო ბანკის მიერ საქართველოსთვის დამტკიცებული რეგიონული განვითარების მესამე პროექტია. პირველი აღნიშნული სერიიდან კახეთის რეგიონისთვის(IBRD-ის სესხი 60 მლნ. აშშ დოლარის ოდენობით) მსოფლიო ბანკმა 2012 წლის მარტშიდაამტკიცა, რეგიონული განვითარების მეორე პროექტი იმერეთისთვის (IBRD-ის სესხი 30 მლნ. აშშ დოლარის ოდენობით) კი _ 2012 წლის ნოემბერში.

1992 წლიდან მსოფლიო ბანკის მიერ საქართველოსთვის გამოყოფილი თანხების მთლიანი ოდენობა 3.47 მილიარდ აშშ დოლარს შეადგენს.