Facebook-ი აფრიკაში პირველ ოფისს გახსნის. როგორც უცხოური მედია წერს, Facebook-ის ოფისი აფრიკაში, კერძოდ იოჰანესბურგში ივლისის ბოლომდე გაიხსნება. უნდა აღინიშნოს, რომ ამ დროისათვის აფრიკის ქვეყნებიდან Facebook-ს უკვე 120 მლნ-მდე მომხმარებელი ყავს. ეს იმ ფონზე, როდესაც 2014 წლის შემოდგომისათვის მათი რაოდენობა 20 მლნ მომხმარებელს შეადგენდა.
Facebook-ის ოფისში სულ 25 ადამიანი იმუშავებს და მათი მთავარი მიზანი ბაზრის გაფართოება იქნება. აქცენტი ძირითადად კენიასა და ნიგერიაზე გაკეთდება და ამისათვის დიდ დატვირთვა მობილური რეკლამას მიენიჭება, რადგანაც აფრიკის მოსახლეობის 80 %-ს სოციალურ ქსელში მობილური ტელეფონებიდან შედის.

უნდა აღინიშნოს, რომ 2014 წლისთვის Facebook-ის წილი მსოფლიო ეკონომიკაში 227მლრდ დოლარი იყო. სოციალური ქსელის მომხმარებლების რაოდენობამ კი 1,5 მლრდ ადამიანს მიაღწია. Facebook-ის საშუალებით მსოფლიოში სულ  4,5 მლნ სამუშაო ადგილია შექმნილი.

Facebook-ის კაპიტალიზაცია კი 275 მლრდ დოლარს აღწევს.