ევროპის ლიდერმა სასტუმროების ქსელმა „აკორ ჯგუფი“ თბილისში ახალი 4 ვარსკვლავიანი სასტუმრო „მერკური თბილისი ოლდ თაუნ“ გახსნა. სასტუმრო ბუტიკის ტიპისაა. იგი განთავსებულია თბილისის ცენტრში, გორგასლის ქუჩაზე. სასტუმროს გახსნის ღონისძიებას საქართველოს პრემიერ-მინისტრი ირაკლი ღაიბაშვილი და თბილისის მერი დავით ნარმანია დაესწრნენ. „აკორ ჯგუფის“ წარმომადგენლის, ალექსის დელაროფის თქმით, კომპანიისთვის საქართველო სტრატეგიულად მნიშვნელოვანი ქვეყანაა. „მერკური თბილისი ოლდ თაუნი“ საქართველოში „აკორ ჯგუფის“ პირველი სასტუმროა.
