ეკონომიკის მინისტრის გიორგი კვირიკაშვილი ვარაუდით, საქართველოს კარგი ტურისტული სეზონი ელოდება. ამის შესახებ მან „2030“-ის ეთერში განაცხადა.
„სტიქიის შემდეგ იყო საკმაოდ უარყოფითი პიარი. თუმცა ბოლო დღეებში ჩვენ გვაქვს საპირისპირო ტენდენცია. ფაქტია - ბოლო კვირის განმავლობაში ვიზიტორების ზრდა ფიქსირდება. ზაფხულის პერიოდში მნიშვნელოვან უარყოფით ეფექტს ამ მოვლენებიდან არ ველოდებით“- განაცხადა მინისტრმა.
ამასთანავე გიორგი კვირიკაშვილმა აღნიშნა, რომ მთავრობის მიერ დამტკიცებულმა ცვლილებებმა ვიზების მიღების კუთხით ტურისტებს საქართველოში ჩამოსვლა გაუადვილა.
„გვაქვს საფუძველი ვივარაუდოთ, რომ კარგი ტურისტული სეზონი გვექნება“, - დასძინა მინისტრმა.
