გზების რეაბილიტაციისთვის თბილისის მერია სესხს იღებს. როგორც მთავრობის №1293 განკარგულებაშია აღნიშნული, მუნიციპალური განვითარების ფონდიდან მერია 18 მლნ ლარის მოცულობის სესხს კაპიტალური ინვესტიციების განსახორციელებლად იღებს. უფრო კონკრეტულად კი, თანხა ქალაქის მასშტაბით გზების რეაბილიტაციისა და განვითარებისათვის დაიხარჯება.
აღსანიშნავია, რომ სესხის მიღებაზე დედაქალაქის მთავრობა მოლაპარაკებებს მუნიციპალური განვითარების ფონდთან 13 ივნისის სტიქიამდე აწარმოებდა. მიღებული დაფინანსებით კი გზა დაახლოებით 40 ქუჩაზე დაიგება. აღსანიშნავია ისიც, რომ 2015 წლის ბიუჯეტში გზების მოვლა-პატრონობისთვის დაახლოებით 30 მლნ ლარი იყო გათვალისწინებული.