საქართველოს ეკონომიკისა და მდგრადი განვითარების სამინისტრო 27 ივნისს, 15.30 საათზე სასტუმრო „ჰოლიდეი ინ“-ში ატარებს ღონისძიებას, სადაც წარმოდგენილი იქნება ინფორმაცია სამინისტროს მიერ განხორციელებული და დაგეგმილი პროექტების თაობაზე.
ღონისძიებას ესწრებიან ეკონომიკური ექსპერტები, საერთაშორისო ორგანიზაციების, სამეცნიერო წრეების წარმომადგენლები და ეკონომიკური ბლოკის სამინისტროების პირველი პირები.
საქართველოს ვიცე-პრემიერი, ეკონომიკისა და მდგრადი განვითარების მინისტრი გიორგი კვირიკაშვილი პრეზენტაციას ჩაატარებს რამდენიმე თემაზე:
სივრცითი მოწყობა; მეწარმეობის ხელშეწყობა; ტურიზმი; ტრანსპორტი.
ღონისძიების ბოლოს გაიმართება დისკუსია წარმოდგენილი საკითხებისა და ქვეყანაში მიმდინარე აქტუალური ეკონომიკური თემების გარშემო.
