სამთავრობო პროგრამის ფარგლებში „აწარმოე საქართველოში“, საქართველოს ეკონომიკისა და მდგრადი განვითარების სამინისტროს სსიპ მეწარმეობის განვითარების სააგენტოს მხარდაჭერით კომპანია შპს „ნამი“ 2015 წლის დეკემბერისთვის წარმოებას გააფრთოებს.
შპს „ნამი“ მინის, სარკისა და რკინის ნაკეთობების წარმოებაზე ორიენტირებული კომპანიაა და სტაბილური ზრდის უზრუნველყოფის გზით მომხმარებლისთვის მრავალფეროვანი, უმაღლესი ხარისხის პროდუქციის შეთავაზებაზეა კონცენტრირებული. კომპანიას მსგავსი ტიპის ბაზარზე ოპერირების ხანგრძლივვადიანი გამოცდილება გააჩნია, ფლობს ცნობილ სავაჭრო მარკას და ევროპული, კერძოდ, ბელგიური წარმოშობის პროდუქციის ქონით გამოირჩევა, პროექტის ინვესტიციის ჯამური მოცულობა კი 220000 აშშ დოლარს შეადგენს. ამავდროულად, მნიშვნელოვანია, რომ კომპანია საკუთარი ნაწარმის რეალიზაციას მთელი საქართველოს მასშტაბით გეგმავს. ამასთანავე, სამომავლოდ აზერბაიჯანისა და სომხეთის სახით მეზობელი ქვეყნების, გრძელვადიან პერსპექტივაში კი ევროპული ბაზრების მასშტაბით საქონლის ექსპორტზე გატანაცაა გათვალისიწინებული.
ზოგადი ინფორმაციისთვის, აღსანიშნავია, რომ მეწარმეობის განვითარების სააგენტო კონცენტრირებულია ქმედითუნარიანი და გამართული საინვესტიციო თუ სამეწარმეო გარემო ჩამოაყალიბოს და ქვეყნის ეკონომიკური ვითარებისა და მოსახლეობის საერთო კეთილდღეობის ამაღლების საქმეში საკუთარი წვლილი შეიტანოს.
