ხვალ, 26 ივნისს, 11 საათზე, საბურთალოზე, ცინცაძის ქ. #37-შიმდებარე სუპერმარკეტში „სმარტი“ და „საქართველოს კულინარიის აკადემია“ ურთიერთთანამშრომლობაზე შეთანხმდებიან, რის საფუძველზეც აკადემიის სტუდენტებს შესაძლებლობა ექნებათ პრაქტიკული გამოცდილება „სმარტში“ მიიღონ, მომხმარებლებს კი „საქართველოს კულინარიის აკადემიის“ პროფესიონალი კულინარები მასტერკლასებს ჩაუტარებენ სხვადასხვა კერძებისა თუ დესერტების მომზადებაში. ამას გარდა, თანამშრომლობის შედეგად „სმარტის“ წარმოების მენიუ გადახალისდება და ერთობლივად შექმნილი კერძები ჩაეშვება გაყიდვაში.
