2015 წლის პროგნოზით, სტამბულში ტურისტების რაოდენობა 12,5 მლნ-ს მიაღწევს. მიმდინარე პროგნოზით სტამბული ტურისტების მოთხოვნის და ზოგადად ზრდის ტემპის მხრივ, შესაბამის რეიტინგში მეხუთე პოზიციაზეა.
რეიტინგში სტამბულის შემდეგ მოდიან ნიუ-იორკი და სინგაპური.
Global Destinations Cities Index -ის მიხედვით, სტამბულმა ტურისტების რაოდენობის ზრდის ტემპის მიხედვით, საკმაოდ შთამბეჭდავი შედეგების დემონსტრირება მოახდინა, საუბარია 11,4 %-იან ზრდაზე. სწორედ ეს დაეხმარა მას მეშვიდე ადგილიდან მეხუთე ადგილზე გადმონაცვლებულიყო.
2014 წელს სტამბული 11,27 მლნ-მა ტურისტმა მოინახულა.
როგორც Global Destinations Cities Index -ით ირკვევა, სტამბულს ტურისტული განვითარების დიდ პერსპექტივა აქვს და ქალაქში ტურისტული ზრდის ტემპის სახეზეა. როგორც ანალიტიკოსები აღნიშნავენ, მიმდინარე ზრდის ტემპის ფონზე, უკვე 4 წელიწადში სტამბული პოპულარულობით პარიზსაც გადაუსწრებს და რეიტინგში მეორე პოზიციაზე იქნება. უნდა აღინიშნოს ისიც, რომ ევროპის მასშტაბით სტამბულს ტურიზმის მხრივ ყველაზე მაღალი ზრდის ტემპი აქვს.
ამ დროისათვის რეიტინგში სტამბულს დუბაი (მე-4 ადგილი), პარიზი (მე-3 ადგილი), ბანკოკი (მე-2 ადგილი) და ლონდონი ( 1-ელი ადგილი) უსწრებენ.
