ახალდაბა-წყნეთის და წყლულეთის გზების აღსადგენად გამოყოფილია 900 ათასი ლარი. ამის შესახებ ფინანსთა მინისტრმა ნოდარ ხადურმა „2030“-ის ეთერში განაცხადა.
„დღეს საქართველოს მთავრობას 900 ათას ლარზე მეტი გამოვუყავით მხოლოდ 2 გზის მონაკვეთის აღსადგენად. ეს არის: ახალდაბა-წყნეთის და წყლულეთის გზები. ერთ შემთხვევაში 515 ათასი ლარი გამოვყავით, მეორე შემთხვევაში - 400 ათასი“, - განაცხადა ნოდარ ხადურმა.
ამასთანავე მინისტრმა აღნიშნა, რომ სტიქიით მიყენებული ზიანის დათვლა გრძელდება, მაგრამ, მისივე თქმით, ამ ეტაპზე ცხადი ხდება, რომ მხოლოდ ბიჯეტის სახსრებით ზარალის ანაზღაურება მთავრობას გაუჭირდება.
