თბილისის მუნიციპალიტეტის საკრებულოში ქონების მართვის და საფინანსო-საბიუჯეტო, ურბანული დაგეგმარებისა და საქალაქო მეურნეობის, ასევე ეკონომიკური განვითარების, საინვესტიციო პოლიტიკისა და საერთაშორისო ურთიერთობების კომისიების გაერთიანებული სხდომა გაიმართა, რომელზეც დეპუტატებმა სხვა საკითხებთან ერთად დედაქალაქის 2015 წლის ბიუჯეტში შესატან ცვლილებებზე იმსჯელეს.
აღნიშნული საკითხი სხდომაზე თბილისის მერიის საფინანსო საქალაქო სამსახურისუფროსმა ლევან თევზაიამ წარმოადგინა.
მისი განცხადებით, ბიუჯეტის მოცულობა 44 მლნ, 732 ათასი ლარით გაიზარდა, რომლისძირითადი ნაწილი 13-14 ივნისს სტიქიის შედეგების სალიკვიდაციო ღონისძიებებს,დაზარალებული მოსახლეობის დროებითი საცხოვრებელი ფართით უზრუნველყოფას,დაღუპულთა ოჯახების დახმარებას, სხვადასხვა ინფრასტრუქტურულ პროექტებსა დაევროპის ახალგაზრდული ოლიმპიური ფესტივალის „თბილისი 2015“ ორგანიზებასთანდაკავშირებულ სამუშაოებს მოხმარდება.
დედაქალაქის 2015 წლის ბიუჯეტში შესატანი ცვლილებების პროექტის დამტკიცების თაობაზე დეპუტატები საკრებულოს უახლოეს სხდომაზე იმსჯელებენ.
დღესვე საკრებულოს წევრებმა თბილისის მუნიციპალიტეტის უძრავი და მოძრავი ქონებისსაპრივატიზაციო ობიექტების ნუსხისა და პრივატიზაციის გეგმა დაამტკიცეს.
ასევე განიხილეს და თანხმობა მისცეს სხდომის დღის წესრიგით გათვალისწინებულ სხვა მიმდინარე საკითხებსაც, მათ შორის: დედაქალაქის ზოგიერთ მიწისქვეშა გადასასვლელშისარემონტო სამუშაოების ჩატარებასთან დაკავშირებით კომპანიიის კაპიტალში ფულადიშენატანის განხორციელებას, შ.პ.ს. ჰერმესის კაპიტალის გაზრდას, თბილისისმუნიციპალიტეტის საკუთრებაში არსებული უძრავი ქონების ელექტრონული აუქციონისფორმით, დროებით სარგებლობის უფლებით, იჯარით გადაცემას და შ.პ.ს. ,,სინათლისქალაქის“ მიერ სპეცტანსაცმელის გამარტივებული შესყიდვით განხორციელებას.
სამი კომისიის გაერთიანებულ სხდომას თბილისის მერიის შესაბამისი სამსახურებისა და გამგეობების წარმომადგენლები ესწრებოდნენ.
