კახეთში, საგარეჯოს რაიონის სოფელ მანავში მეწყერი ჩამოწვა. მეწყერმა ერთი საცხოვრებელი სახლი მთლიანად ჩაიტანა. მეწყერსაშიშ ზონაში კიდევ რამდენიმე სახლი იმყოფება.
კახეთის გუბერნატორის, გიორგი ღვინიაშვილის განცხადებით, მეწყერსაშიში ზონიდან ხალხი უკვე ევაკუირებულია.
წინასწარი ინფორმაციით, მეწყერის შედეგად არავინ დაშავებულა. კახეთის გუბერნატორის, გიორგი ღვინიაშვილის განცხადებით, ადგილზე გეოფიზიკოსებს ელოდებიან და ინფორმაცია სხვა მეწყერსაშიში ზონების შესახებ, მხოლოდ ამის შემდეგ გახდება ცნობილი.
