საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტი კასპის მუნიციპალიტეტში, ახალქალაქი-ნოსტე-მთიულთუბნის საავტომობილო გზის 5.7
კილომეტრიანი მონაკვეთის რეაბილიტაციას ახორციელებს.
უწყების ინფორმაციით, პროექტი მსოფლიო ბანკის დაფინანსებით ხორციელდება, მისი ღირებულება 3 046 700 ლარია და სამუშაოები მიმდინარე წელს დასრულდება.
სარეაბილიტაციო მონაკვეთზე მიმდინარე სამუშაობს საქართველოს საავტომობილო გზების დეპარტამენტის თავმჯდომარის მოადგილე ირაკლი ლითანიშვილი დღეს გაეცნო.
სარეაბილიტაციო მონაკვეთზე, ამჟამად მიმდინარეობს ასფალტ–ბეტონის მოწყობის, რეციკლირების, რკინა–ბეტონის ღარებისა და მილის სათავისების მოწყობის სამუშაოები.
პროექტით გათვალისწინებულია, გზის სავალ ნაწილზე საფუძვლის რეციკლირებასა და ასფალტ-ბეტონის ახალი საფარის, კიუვეტების, გაბიონების, საყრდენი კედლების, წყალგამტარი მილების, გვერდულების, საგზაო ნიშნების მოწყობასა და გზის ჰორიზონტალური მონიშვნის სამუშაოების განხორციელება.
აღნიშნული მონაკვეთი იწყება სოფელ ახალქალაქის ტერიტორიაზე და მთავრდება სოფელ მთიულთუბანში. ეს გზა წარმოადგენს სოფლების: ახალქალაქი, ახალციხე, ნოსტე, მთიულთუბანი კავშირს საქართველოს საავტომობილო საგზაო ქსელთან, გარდა ამისა გამოყენებულია სასოფლო სამეურნეო დანიშნულებითაც.
სამუშაოებზე 70 ადამიანია დასაქმებული.
