13 ივნისის სტიქიის შედეგად დაზარალებული მოქალაქეების ბანკების მიმართ დავალიანების ოდენობა სამ დღეში გახდება ცნობილი. ამის შესახებ საქართველოს ეროვნული ბანკის პრეზიდენტმა განაცხადა.
გიორგი ქადაგიძის განცახდებით, კომერციული ბანკები ამ დროისთვის ფიქრობენ, რომ სასესხო ვალდებულებები სრულად გაუქმდეს აღნიშნული მოქალაქეებისათვის, თუმცა როგორც ქადაგიძე ამბობს, გადაწყვეტილებას კომერციული ბანკები ზუსტი ციფრების გამოქვეყნების შემდეგ მიიღებენ.
საერთაშორისო დონორები საქართველოს დაეხმარებიან, თუმცა რა მხრივ და რა თანხები იქნება გამოყოფილი ეს ამ დროისთვის უცნობია. არსებული ინფორმაციით საერთაშორისო ორგანიზაციები ელოდებიან კონკრეტულ პასუხს მთავრობისგან თუ რა მიმართულებით ესაჭიროებათ მათ საერთაშორისო დახმარება.
უკვე ცნობილია, რომ ევროკავშირი საქართველოს 3 მილიონიანი გრანტით დაეხმარება.
