კორექტირებული ბიუჯეტის წარდგენა გადაიდო. ეს განცხადება საქართველოს ფინანსთა მინისტრმა გააკეთა. როგორც ნოდარ ხადური ამბობს, კორექტირებულ საფინანსო დოკუმენტში განისაზღვრება სტიქიით მიყენებული ზარალის ხარჯებიც.
მისივე თქმით, ამ ეტაპზე მოხერხდა 17 მილიონი ლარის მობილიზება სტიქიის შედეგების სალიკვიდაციო სამუშაოებისთვის. აქედან 10 მილიონი ლარი მთავრობამ სარეზერვო ფონდიდან გამოყო.
ხადურის პროგნოზით, სტიქიის შედეგების აღმოფხვრას სავარაუდოდ 100 მილონ ლარზე მეტი დაჭირდება. მისივე განმარტებით, ათეულობით მილიონი მხოლოდ ზოოპარკის მიმდებარე ტერიტორიის მოწესრიგებისთვის დაიხარჯება. ჯერჯერობით უცნობია, როდის მოხდება ახალი ფინანსური დოკუმენტის წარდგენა.
