გუშინ ბანკმა „რესპუბლიკამ“ გაავრცელა განცხადება სტიქიით დაზარალებულებისათვის როგორც ფინანსური, ისე ჰუმანიტარული დახმარების შესახებ. ბანკმა დაზარალებული ოჯახების დასახმარებლად 30 000 (ოცდა ათი ათასი) ლარის ოდენობის ფინანსური დახმარება გამოყო. ასევე, დაზარალებული ოჯახებისათვის შეგროვილი პირველადი მოხმარების საგნები საქართველოს წითელი ჯვრის საზოგადოებას გადაეცა.
შპს „მარაბდა-კარწახის რკინიგზის“ ორგანიზებით მშენებლობის გენერალური კონტრაქტორი აზერბაიჯანული კომპანია ღსს „აზერიოლსერვისი“ უერთდება ბანკ „რესპუბლიკის“ ინიციატივას და ბანკის სპეციალურ ანგარიშზე 30 000 ლარს რიცხავს, რითაც სტიქიით დაზარალებულ ოჯახებს ეხმარება.
ბაქო-თბილისი-ყარსის ახალი სარკინიგზო ხაზის მშენებლობის განმახორციელებელი კომპანია შპს „მარაბდა-კარწახის რკინიგზა“ და მისი გენერალური კონტრაქტორი კომპანია ღსს „აზერიოლსერვისი“ ღრმა მწუხარებას გამოთქვამენ თბილისში წყალდიდობით გამოწვეული ტრაგედიის გამო და სამძიმარს უცხადებენ გარდაცვლილთა ოჯახის წევრებს და მათ ახლობლებს.
გვსურს მადლობა გადავუხადოთ აზერბაიჯანის რესპუბლიკას და ღსს „აზერიოლსერვისს“ თანადგომისათვის და ჩვენი ქვეყნის მხარდაჭერისათვის ასეთ მძიმე წუთებში.
ბანკში გახსნილ ანგარიშის ნომერზე GE74BR0000000036080080 ნებისმიერ მსურველს შეუძლია თანხის გადარიცხვა.
