თბილისის მერი დავით ნარმანია სასტუმრო Iveria Inn-ის გახსნას დაესწრო.
71 ნომრიანი სასტუმრო Iveria Inn ტურისტული და ბიზნეს კლასისთვის არის განკუთვნილი. ამჟამად სასტუმროში დასაქმებულია 42 ადამიანი და მათი რიცხვი კიდევ გაიზრდება. შენობა ადაპტირებულია შშმ პირებისვის. აღსანიშნავია, რომ სასტუმრო მთლიანად ქართული ინვესტიციებით აშენდა. ინვესტიციის ოდენობა 5 000 000 ლარამდეა.
დავით ნარმანიას თქმით, მნიშვნელოვანია ახალი ინვესტიციების განხორციელება, მისასალმებელია, როცა ქართველ ბიზნესმენებს დედაქალაქის განვითარებაში შექავთ საკუთარი წვლილი. მერის განცხადებით, მნიშვნელოვანია ასევე, რომ ახალი სასტუმროს გახსნით ქალაქში შეიქმნა დამატებითი სამუშაო ადგილები.
სასტუმროს გახსნას საქართველოს ტურიზმის ეროვნული ადმინისტრაციის ხელმძღვანელი გიორგი ჩოგოვაძე, თბილისის საკრებულოს თავმჯდომარე გიორგი ალიბეგაშვილი, ისნის რაიონის გამგებელი ვახტანგ ქიზიყურაშვილი და ჩუღურეთის გამგებელი ზურაბ ჩიკვილაძე დაესწრნენ.
