მახუნცეთში სასტუმროს აშენდება. უკრაინის მოქალაქემ, აჭარის ფინანსთა და ეკონომიკის სამინისტროს მიერ გამოცხადებულ აუქციონში გაიმარჯვა და პირობებიან აუქციონზე ქედაში, სოფელ ქვედა მახუნცეთში მდებარე 847,80 კვ.მ შენობა-ნაგებობის და მასზე მიმაგრებული 1045 კვ.მ არასასოფლო-სამეურენო დანიშნულების მიწის ნაკვეთი იყიდა, სადაც სამომავლოდ სასტუმრო უნდა განათავსოს.
აუქციონში გამარჯვებული ინვესტორი ვალდებულია, ხელშეკრულების გაფორმებიდან 12 თვის ვადაში საკუთრებაში გადაცემულ ქონებაზე არანაკლებ 10 ნომრიანი სასტუმრო ააშენოს და ხელშეკრულების გაფორმებიდან 24 თვის ვადაში კი აამოქმედოს და ტურისტების მიღება დაიწყოს.
ინვესტორი პროექტის განხორციელებაში მინიმუმ 80 ათასი აშშ დოლარი ინვესტიციას განახორციელებს და პირობების მიხედვითვე, სასტუმროს ამოქმედებიდან 1 თვის ვადაში ობიექტში მინიმუმ 5 პირს დაასაქმებს.
ინვესტორმა ობიექტი 20 ათას 450 დოლარად შეიძინა.
