10 ივნისს საქართველოს ენერგეტიკის მინისტრმა და ვიცე-პრემიერმა კახა კალაძემ და ენერგეტიკის მინისტრის მოადგილემ ილია ელოშვილმა სამეგრელოსა და აფხაზეთის ტერიტორიაზე მდებარე ენგურჰესისა და ვარდნილჰესების კასკადზე მიმდინარე სარეაბილიტაციო სამუშაოები მოინახულეს.
ამის შესახებ ინფორმაციას აფხაზური საინფომაციო სააგენტოები ავრცელებენ.
ოკუპირებული აფხაზეთის ტერიტორიაზე, საქართველოს ენერგეტიკის სამინისტროს წარმომადგენლები კომპანია „ჩერნომორენერგოს" ხელმძღვანელობასაც შეხვდნენ და 2016-2017 წლებში ენგურჰესის მასშტაბური რეაბილიტაციის საკითხები განიხილეს.
,,ჩერნომორენერგოს” გენერალური დირექტორის ასლან ბასარიას განცხადებით, მხარეებმა ერთამენთთან სადერევაციო გვირაბის 2017 წლისთვის დაგეგმილი სარემონტო სამუშაოებიც შეათანხმეს. შეხვედრის ფარგლლებში, რემონტის მიმდინარეობის პერიოდში, ენგურჰესის სრულად გაჩერებასთან დაკავშირებულ საკითხებზეც იმსჯელეს.
,,ასეთი სტრატეგიული ობიექტი ყოველთვის საიმედო მდგომარეობაში უნდა იყოს. იმედი გვაქვს, რომ ქართულ მხარესთან ურთიერთქმედების შედეგად, ჩვენ წლების განმავლობაში დაგროვილ პრობლემებს მოვაგვარებთ.” - განუცახდა აფხაზ ჟურნალისტებს ასლან ბასარიამ.
