18-20 ივნისს, ჩინეთში დაგეგმილია მსოფლიო ტურიზმის ორგანიზაციის მეშვიდე საერთაშორისო კონფერენცია აბრეშუმის გზის ტურისტული პოტენციალის შესახებ. როგორც ტურიზმის ეროვნულ ადმინისტრაციაში განმარტავენ, აღნიშნული ღონისძიება ჩინეთის ეროვნული ტურიზმის ადმინისტრაციისა და მსოფლიო ტურიზმის ორგანიზაციის ეგიდით იმართება.
აბრეშუმის გზის მარშრუტი, როგორც სავაჭრო ურთიერთობების განვითარების ასევე, ტურისტული პოტენციალის თვალსაზრისით მნიშვნელოვანი მიმართულებაა.
როგორც აღნიშნულ ღონისძიებას საქართველოს ტურიზმის ეროვნული ადმინისტრაციის ხელმძღვანელი და ადმინისტრაციის წარმომადგენლები დაესწრებიან. ღონისძიებაში ასევე მონაწილეობას მიიღებენ სხვადასხვა ქვეყნის ტურიზმის სფეროზე პასუხისმგებელი ორგანიზაციების ხელმძღვანელი პირები, ექსპერტები მარკეტინგისა და ტურიზმის სფეროში, პოტენციური ინვესტორები და კულტურული მემკვიდრეობის დაცვის სფეროში მოღვაწე პირები. შეხვედრის მიზანია დაისახოს მიმართულებები აბრეშუმის გზის ტურისტული პოტენციალის პოპულარიზაციის კუთხით.
