აჭარაში ტურისტული ნაკადი იზრდება. აჭარის ტურიზმისა და კურორტების დეპარტამენტის ინფორმაციით, რეგიონის მასშტაბით არსებულ რეგისტრირებულ განთავსების ობიექტებში, მაისში გასულ წელის ანალოგიურ პერიოდთან შედარებით, ტურისტების 4,34 %-იანი ზრდა დაფიქსირდა, ხოლო ხუთი თვის მონაცემებით ზრდამ 2,92%-ი შეადგინა.
აჭარის ტურიზმისა და კურორტების დეპარტამენტის სტატისტიკური ინფორმაციის მიხედვით, მაისში აჭარის ტერიტორიაზე განთავსების ობიექტებით ისარგებლა 37 ათას 550 ტურისტმა, საიდანაც 22 ათას 346 უცხოელი ტურისტი იყო, ხოლო 15 ათას 204 შიდა ტურისტი.
იანვარ-მაისის მონაცემებით, აჭარაში განთავსების ობიექტების მომსახურებით სულ 103 ათას 184 ტურისტმა ისარგებლა, საიდანაც 62 ათას 995 უცხოელი, ხოლო 40 ათას 189 შიდა ტურისტი იყო.
აჭარის ტურიზმის დეპარტამენტის ინფორმაციითვე, 2015 წლის მაისში, 2014 წლის მაისთან შედარებით განთავსების ობიექტების დატვირთულობის კოეფიციენტი 0,09%-ითაა გაზრდილი, ხოლო იანვარ-მაის მონაცემებით კი ზრდა 1,02%-ია.
აღსანიშნავია, რომ საქართველოს ეროვნული ადმინისტრაციის მიერ გავრცელებული სტატისტიკით 2015 წლის მაისის თვეში საქართველოს 454 545 საერთაშორისო ვიზიტორი ეწვია, ხოლო ზრდა 2014 წლის იგივე პერიოდის მაჩვენებელთან შედარებით 14,7 %-ია.
