2015 წლის სახელმწიფო ბიუჯეტის კორექტირებაზე კონსულტაციები კვლავ გაგრძელდება. მთავრობის სხდომის დასრულების შემდეგ ფინანსთა მინისტრმა ნოდარ ხადურმა ჟურნალისტებთან განაცხადა, რომ დაზუსტებულ მონაცემებს მომავალ კვირაში წარადგენენ.
მისივე თქმით, გათვალისწინებულია, რომ ეკონომიკური ზრდა, ნაცვლად ხუთისა იქნება 2 პროცენტი, ხოლო ინფლაცია - 3 პროცენტი.
„ერთი რამ, რაც დღეს ნამდვილად გადაწყვეტილია, სახაზინო ვალდებულების ემისია შემცირდება 100 მილიონი ლარით. ჩვენ მივიღეთ დავალება, რომ გავაგრძელოთ კონსულტაციები მინისტრებთან და მომავალ კვირაში წარმოვადგინოთ უკვე დაზუსტებული მონაცემები, თუ რომელ სამინისტროს რა მიმართულებით ექნება ან ეკონომია, ან პირიქით, შესაძლოა გაზრდაც,“ - განაცხადა ნოდარ ხადურმა.
