ონლაინ ტურისტულმა სააგენტო Biletix-მა რუსეთიდან ყველაზე ძვირიანი და იაფიანი ბილეთების რეიტინგი შეადგინა. თუმცა კვლევისას გაირკვა, რომ ზოგიერთი მიმართულებით ბილეთის ფასი გაზრდილია, ხოლო ზოგიერთი მიმართულებით გაიაფებული. საქართველოსთან მიმართებაში კი ირკვევა, რომ მოსკოვი-თბილისის რეისებზე ბილეთის ფასი შედარებით შემცირებულია. მაგალითისათვის, თუ 2014 წლის ივნის-ივლისში მოსკოვი-თბილისი მიმართულებით ფრენა 12 769 რუბლი ღირდა, ხოლო 2015 წლის ივნის-ივლისში კი ავიაბილეთის ფასი 9 419 რუბლია, რაც იმას ნიშნავს, რომ წელს გასული წლის ანალოგიურ პერიოდთან შეადრებით მოსკოვი-თბილისის მიმართულებით ფრენა 26,4%-ით გაიაფდა.
აღსანიშნავია, რომ მოსკოვი-თბილისის მიმართულებით ფრენა, რეიტინგში ყველაზე გაიაფებულ მიმართულებებში მოხვდა.
