აჭარის უმაღლესმა საბჭომ „ქამრები შემოიჭირა“, 2015 წლის ბიუჯეტის კორექტირება მოახდინა და ის 91,3 ათასი ლარით შეამცირა. როგორც უმაღლესი საბჭოს დადგენილებაშია აღნიშნული, საკანონმდებლო საქმიანობისთვის განსაზღვრული მთლიანი ასიგნება 91,3 ათასი ლარით შემცირდა. უფრო კონკრეტულად კი, ხარჯების მუხლით გათვალისწინებული ასიგნებების მოცულობა 26,3 ათასი ლარით, ხოლო არაფინანსური აქტივების ზრდის მუხლით გათვალისწინებული ასიგნებების მოცულობა 65,0 ათასი ლარით შემცირდა.
როგორც აჭარის ფინანსთა და ეკონომიკის სამინისტროს საიტზე განთავსებული ინფორმაციიდან ირკვევა, 2015 წლისთვის აჭარის უმაღლესი საბჭოს ბიუჯეტი 4 958,8 ათასი ლარია.
